વરસાદને ક-મોસમી કહવો એટલે અન્યાય

જો માણસો અને મીડિયાનું ચાલે તો વરસાદ-ગરમી-ઠંડીનું ટાઇમટેબલ બનાવી દે

ગાંધીનગર-અમદાવાદ સહિત ગુજરાતભરમાં ઉકળાટમાંથી રાહત આપતો વરસાદ તુટી પડ્યો હતો. ચારેબાજુ કરા અને પાણીની રેલમછેલ તો થઇ સાથે સાથે ધોમધખતા ઉનાળા પર જાણે કોઇએ ઠંડુ પાણી રેડી દીધું હોવાનું અનુભવાયું. ગરમીને કારણે સાવ શુષ્ક અને સમાધિમાં બેઠેલા ઋષિની જેમ સ્થિતપ્રજ્ઞ બનેલી આખી સૃષ્ટીને કોઇએ ફરી સજીવન કરી દીધી. 

જો કે મીડિયામાં વરસાદને ક-મોસમી તરીકે ઓળખાવવામાં આવ્યો. માણસો સહિતની સૃષ્ટીને મળેલી રાહત અને ઠંડક કરતાં વધારે મહત્વનું એ હતું કે, આ વરસાદ કમોસમી હતો. જેમ અતિથિ એટલે જેને કોઇ તિથિ નથી તે, તેવી જ રીતે વરસાદ એટલે વર(વરદાન) અને સાદ (અવાજ) - આકાશને વરદાન આપવા માટે ધરતી પોકાર કરે અને જે આવી પહોંચે તે વરસાદ.

આજકાલના માણસો અને મીડિયાનું ચાલે તો વરસાદ-ગરમી અને ઠંડીનું એક ટાઇમટેબલ તૈયાર કરી દે. વરસાદને કહી દે કે ખબરદાર તું ચોમાસા સિવાય આવ્યો છે તો....................ગરમી અને ઠંડીને પણ કહી દે કે તમે આમ એક સાથે ના આવો........અમારો તો ખ્યાલ રાખો...થોડા-થોડા અંતરે આવો તો શું કે જરા મજા રહે.

હકીકતમાં બધી ઋુતુઓ માણવા માટે છે. કુદરતના માણસ સિવાયના તમામ તત્વો મૌસમની મજા માણતા હોય છે. જ્યાં સુધી તરસ ના લાગે ત્યાં સુધી પાણીની કિંમત ના સમજાય અને વરસાદની મજા ત્યાં સુધી ના આવે જ્યાં સુધી ધોમધખતી ગરમીએ તમને દઝાડ્યા ના હોય. માણસને જાણે કુદરતની સામે વાંધો હોય તેવું અનુભવાય છે. જો શિયાળો આવે અને ઠંડી શરુ થાય એટલે ગરમ પાણી-ભોજન બધુ જ ગરમ જોઇએ અને જેવી ગરમી આવે એટલે બધુ ઠંડુ-ઠુંડુ કૂલ-કૂલ જોઇએ. અને વરસાદમાં તો પંખાની - એસીની સ્વિચ ચાલુ બંધ થયા કરે.

વાતાવરણને અનુકૂળ થવાને બદલે પોતાને અનુકૂળ વાતાવરણ સર્જવાનો પ્રયાસ જ ઘણી વખત રોગનું કારણ બનતો હોય છે. કરા સાથેનો વરસાદ ખરેખર યાદગાર રહ્યો અને તેમાંય ત્યાર બાદ હવામાં પ્રવેશેલી ઠંડક ખરેખર આલ્હાદક અનુભવ કરાવે છે. એન્જોય એવરી થીંગ...........

टिप्पणियाँ

एक टिप्पणी भेजें

इस ब्लॉग से लोकप्रिय पोस्ट

શેફાલી વર્મા : લેડી સેહવાગ

चित्र
ક્રિકેટ શીખવા માટે શેફાલીને વાળ કપાવીને છોકરાઓ જેવો લૂક બનાવવો પડ્યો પ્રત્યેક શરુઆત સંઘર્ષની સાથે જોડાયેલી હોય છે અને તેમાં જ્યારે સાતત્ય ઊમેરાય છે, ત્યારે એક ચેમ્પિયન પેદા થાય છે. જેમ પાણીનો વેગ તેના માર્ગમાં આવતી અડચણોથી રોકાતો નથી, પણ તે પોતાની રીતે રસ્તો કરી જ લે છે. તે પ્રકારે પોતાના લક્ષ્યની પ્રાપ્તિની પ્રબળ ઈચ્છા અને દ્રઢ સંકલ્પ હોય તો હિમાલય જેવડી ઉંચાઈ પણ સાવ સામાન્ય લાગે. હકીકતમાં જિંદગીમાં આવતા વિઘ્નો એ હિંમતની કસોટી માટેના હોય છે. જેઓ તેની સામે ઘુંટણ ટેકવી દે છે, તેઓ ક્યારેય પોતાની ક્ષમતા પ્રમાણેની સફળતાને પ્રાપ્ત કરી શકતાં નથી. જ્યારે જાંબાંઝીથી આગળ વધનારને કલ્પનાતીત સફળતાની પ્રાપ્તિ થાય છે. છેલ્લા કેટલાક વર્ષોમાં ભારતીય મહિલા ક્રિકેટમાં એક થી એક ચડિયાતી પ્રતિભાઓ આવી રહી છે, જે ભારતીય ક્રિકેટના વર્તમાનને વધુને વધુ સમૃદ્ધ બનાવી રહી છે. જેમીમા રોડ્રિગ્યુઝ બાદ હરિયાણાની 16 વર્ષીય ખેલાડી શેફાલી વર્માએ ટૂંકા ગાળામાં તેની આક્રમક શૈલીથી ભારે આકર્ષણ જગાવ્યું છે. વિશ્વની ધુરંધર ખેલાડીઓની શેહમાં આવ્યા વિના ભારે આત્મવિશ્વાસ સાથે સ્ટ્રોક્સ ફટકારવાની કુશળતાએ શેફાલીને દુનિયા...
और पढ़ें

ચૂંટણી : છુટ્ટા હાથેે સવાલોની મારામારી

चित्र
જવાબ આવડતો નથી તો સવાલ પૂછો.... વર્ષો પહેલાની વાત છે, પરીક્ષા ચાલી રહી હતી. બધા છોકરાઓ શાંતિથી પેપર લખી રહ્યા હતા. પણ છેલ્લી બેન્ચ પર બેઠેલા કનુને આખુ પ્રશ્નપત્ર સમજાતું નહતુ. તેણે આજુબાજુ જોયું તો બધા જોરશોરથી ઉત્તરવહીઓ ભરવામાં મશગૂલ બની ગયા હતા. ક નુને થયું કે, હવે શું કરું....મને જવાબ તો આવડતા નથી. અચાનક તેના મનમાં એક વિચાર ઝબક્યો અને પછી તો પેપર પુરુ થાય ત્યાં સુધી તો કનુએ પાંચ ઉત્તરવહીઓ ભરી કાઢી હતી. પેપર પુરુ થયુંને બધા બહાર નીકળ્યા ત્યારે કનુની બાજુમાં બેેઠેલા મનુએ કહ્યું , અલ્યા શરુઆતના અડધા કલાકમાં તો તુ સાવ નવરો ધાકોર બેસી રહ્યો હતો અને અચાનક શુ થયું કે, લખવા માંડ્યો અને પાંચ ઉત્તરવહીઓ ભરી કાઢી. કનુએ હસતા હસતા કહ્યું કે, ઉત્તરવહીને મેં પ્રશ્નવહી બનાવી દીધી. મનુને કઇ ના સમજાયું. કનુએ ફરી કહ્યું કે, અલ્યા ભઇ એટલે એમ કે પ્રશ્નપત્રના જવાબોને મેં એમના એમ પાંચ-સાત વખત મેં ઉત્તરવહીમાં ઉતારી લીધા એટલે ઉત્તરવહી બની ગઇ પ્રશ્નવહી ...,- સમજ્યો ! બસ હાલમાં ચાલી રહેલા લોકસભાના ચૂંટણી પ્રચારમાં બધા પક્ષો એકબીજાની સાથે સવાલોની છુટ્ટા હાથની મારામારી કરી રહ્યા છે. જેને જ્યાં મન ફાવે ત...
और पढ़ें

રણજી ટ્રોફીનું દબદબાભેર વતનમાં પુનરાગમન

चित्र
જયદેવ ઉનડકટની આગેવાની હેઠળની સૌરાષ્ટ્રની ટીમે ડ્રો થયેેલી ફાઈનલમાં બંગાળને પ્રથમ ઈનિંગની સરસાઈને સહારે હરાવીને સૌપ્રથમ વખત ભારતની પ્રીમિયર ફર્સ્ટ ક્લાસ ક્રિકેટ ટુર્નામેન્ટ જીતી લઈને ઈતિહાસ રચી દીધો હતો. સૌરાષ્ટ્ર નામ હેઠળ આ તેમનું પ્રથમ ટાઈટલ હતુ. જ્યારે અગાઉ સૌરાષ્ટ્ર વિસ્તારની ટીમ - વેર્સ્ટન ઈન્ડિયાએ રણજી ટ્રોફી જીતી ત્યારે તો ભારત આઝાદ પણ થયું નહતુ. તેે સાલ ઈ.સ. 1943-44ની હતી. આ અગાઉ રણજી ટ્રોફી જેમના નામથી રમાય છે, તેવા ભારતીય ક્રિકેટના ભિષ્મપિતામહ એવા જામ રણજીતસિંહજીના રજવાડા નવાનગર (આજનું જામનગર)ની ટીમે ઈ.સ. 1936-37માં આ ટાઈટલ જીત્યું હતુ. નોંધપાત્ર બાબત એ છેે કે, રણજી ટ્રોફીનો પ્રારંભ ઈ.સ. 1934માં થયો હતો. ભારતીય ક્રિકેટમાં સૌરાષ્ટ્રનું પ્રદાન અને તેનો ઈતિહાસ અત્યંત ગૌરવપ્રદ રહેલો છે અને યુવા પેઢીએ સાડા સાત દાયકા બાદ ફરી વખત રણજીતસિંહજીની ભૂમિને રાષ્ટ્રીય સ્તરેે ગૌરવ અપાવ્યું છે. સૌરાષ્ટ્રની આ સિદ્ધિમાં ટીમના દરેકેદરેેક ખેલાડીએ નિર્ણાયક તબક્કે પોતપોતાની ભૂમિકા ભજવતા ટીમને સફળતા અપાવી છે. જોકે આ બધામાં કેેટલીક વિશિષ્ટ પ્રતિભા અને તેમના પ્રદર્શને તો ઈતિહાસમાં અમર સ્થાન હાંસલ...
और पढ़ें