संदेश

શેફાલી વર્મા : લેડી સેહવાગ

चित्र
ક્રિકેટ શીખવા માટે શેફાલીને વાળ કપાવીને છોકરાઓ જેવો લૂક બનાવવો પડ્યો પ્રત્યેક શરુઆત સંઘર્ષની સાથે જોડાયેલી હોય છે અને તેમાં જ્યારે સાતત્ય ઊમેરાય છે, ત્યારે એક ચેમ્પિયન પેદા થાય છે. જેમ પાણીનો વેગ તેના માર્ગમાં આવતી અડચણોથી રોકાતો નથી, પણ તે પોતાની રીતે રસ્તો કરી જ લે છે. તે પ્રકારે પોતાના લક્ષ્યની પ્રાપ્તિની પ્રબળ ઈચ્છા અને દ્રઢ સંકલ્પ હોય તો હિમાલય જેવડી ઉંચાઈ પણ સાવ સામાન્ય લાગે. હકીકતમાં જિંદગીમાં આવતા વિઘ્નો એ હિંમતની કસોટી માટેના હોય છે. જેઓ તેની સામે ઘુંટણ ટેકવી દે છે, તેઓ ક્યારેય પોતાની ક્ષમતા પ્રમાણેની સફળતાને પ્રાપ્ત કરી શકતાં નથી. જ્યારે જાંબાંઝીથી આગળ વધનારને કલ્પનાતીત સફળતાની પ્રાપ્તિ થાય છે. છેલ્લા કેટલાક વર્ષોમાં ભારતીય મહિલા ક્રિકેટમાં એક થી એક ચડિયાતી પ્રતિભાઓ આવી રહી છે, જે ભારતીય ક્રિકેટના વર્તમાનને વધુને વધુ સમૃદ્ધ બનાવી રહી છે. જેમીમા રોડ્રિગ્યુઝ બાદ હરિયાણાની 16 વર્ષીય ખેલાડી શેફાલી વર્માએ ટૂંકા ગાળામાં તેની આક્રમક શૈલીથી ભારે આકર્ષણ જગાવ્યું છે. વિશ્વની ધુરંધર ખેલાડીઓની શેહમાં આવ્યા વિના ભારે આત્મવિશ્વાસ સાથે સ્ટ્રોક્સ ફટકારવાની કુશળતાએ શેફાલીને દુનિયા...

એક સમયે તુટેલા છાપરાંવાળા ઘરમાં રહેતા પોવેલની જિંદગીને ક્રિકેટે બદલી નાંખી

चित्र
  દિલ્હી કેપિટલ્સમાં સામેલ વિન્ડિઝના બેટસમેન રોવમાન પોવેલે હૈદરાબાદ સામેની મેચમાં વિસ્ફોટક બેટિંગ કરતાં ૩૫ બોલમાં ૬૭* રન ફટકાર્યા હતા. વિન્ડિઝના ધુરંધર બેટ્સમેને અગાઉ પણ તોફાની બેટીંગ કરીને સનસનાટી મચાવી છે. જોકે જમૈકાના આ યુવા ખેલાડીની ઝળહળતી કારકિર્દીની પાછળ તેની માતાનો જબરજસ્ત સંઘર્ષ રહ્યો છે. અત્યંત ગરીબીમા ઉછેરેલો રોવમાન પોવેલ પરિવારને ગુજરાન ચલાવવામાં મદદ મળી રહે તે માટે ઘેેટાં-બકરાં ચરાવવા જતો હતો. જમૈકામાં જન્મેલા રોવમાનના બાળપણના વર્ષો સંઘર્ષમય રહ્યા હતા. તેની માતા જોએન પ્લુમ્મેર પ્રેગ્નેન્ટ થઈ ત્યારે તેના પાર્ટનરે તેને અબોર્શનની સલાહ આપી. પ્લુમ્મેરે બાળકને જન્મ આપવાનો અને તેને એકલા હાથે ઉછેરવાનો નિર્ણય લીધો. ગરીબી સામેના જિંદગીના સંઘર્ષમાં તેની માતાએ ક્યારે હિંમત હારી નહતી. પોવેલ સાવ નાનકડા તુટેલા છાપરાંવાળા ઘરમાં હતો. તેના પરિવારમાં એક બહેન પણ હતી.  માતા પરિવારનું ગુજરાન ચલાવવા માટે લોકોના ઘરે કપડાં ધોવા અને વાસણ માંજવા જતી. આ પ્રકારે તેને સંઘર્ષ કરીને બાળકોને ઉછેર્યા અને ભણાવ્યા. બાળપણમાં પોવેલ પરિવારનું ગુજરાન ચલાવવામાં માતાને મદદ મળી રહે તે માટે ઘેટાં-બકરાં ચરાવવ...

હર્ષલ પટેલનો સંઘર્ષ : કિશોરાવસ્થામાં અમેરિકા ગયો અને ત્યાં માત્ર 35 ડોલર મેળવવા માટે 13 કલાક નોકરી કરી !!!

चित्र
  સફળતા દરેકને ગમે છે અને તેમાં ય આઇપીએલમાં કરોડો કમાતા ખેલાડીઓની ઈર્ષ્યા તો કોને ન થાય ? મનગમતી રમત રમવાની અને તેમાં ય પાછા કરોડો રુપિયા મળે. આવી તક તો ભાગ્યે જ કોઈને મળે. બધા આવું જ વિચારતા હોય છે, પણ વાસ્તવિકતા કંઈક જુુદી જ છે. આ ઝાકઝમાળની દુનિયાની પાછળ એક એવું તનાવભર્યું જગત છે કે, જેના પર ભાગ્યે જ કોઈને નજર જાય છે.  આઇપીએલમાં હાલ બેંગ્લોર રોયલ ચેેલેન્જર્સના હર્ષલ પટેલની બોલબાલા છે. હર્ષલ કરોડો કમાઈ રહ્યો છે. બેંગ્લોરે તેના માટે રુપિયા 10.75 કરોડનો ખર્ચ કર્યો છે. વર્ષ 2021ની સિઝનમાં હર્ષલે બેંગ્લોર તરફથી શાનદાર દેખાવ કરતાં આઇપીએલમાં પર્પલ કેપ મેળવી હતી. તેણે ગત સિઝનમાં માત્ર 15 જ મેચમાં 32 વિકેટ ઝડપી હતી અને ટીમને પ્લે ઓફમાં પ્રવેશ અપાવવામાં મદદ કરી હતી. જોકે જૂજ લોકોને ખબર હશે કે, હજુ માત્ર પાંચ વર્ષ પહેલા જ હર્ષલની બેઝપ્રાઈઝ માત્ર 20 લાખ રુપિયા હતી. તેને દિલ્હી કેપિટલ્સે માત્ર 20 લાખ રુપિયામાં જ કરારબદ્ધ કર્યો હતો.  હર્ષલ માત્ર પાંચ વર્ષના ગાળામાં જ પોતાની મહેનત અને લગનથી 20 લાખથી 10.75 કરોડ રુપિયા સુધી પહોંચ્યો હતો. જોકે આ સફળતાની રાહ સાવ આસાન અને ફૂલોથી ભરેલી નહતી...

રણજી ટ્રોફીનું દબદબાભેર વતનમાં પુનરાગમન

चित्र
જયદેવ ઉનડકટની આગેવાની હેઠળની સૌરાષ્ટ્રની ટીમે ડ્રો થયેેલી ફાઈનલમાં બંગાળને પ્રથમ ઈનિંગની સરસાઈને સહારે હરાવીને સૌપ્રથમ વખત ભારતની પ્રીમિયર ફર્સ્ટ ક્લાસ ક્રિકેટ ટુર્નામેન્ટ જીતી લઈને ઈતિહાસ રચી દીધો હતો. સૌરાષ્ટ્ર નામ હેઠળ આ તેમનું પ્રથમ ટાઈટલ હતુ. જ્યારે અગાઉ સૌરાષ્ટ્ર વિસ્તારની ટીમ - વેર્સ્ટન ઈન્ડિયાએ રણજી ટ્રોફી જીતી ત્યારે તો ભારત આઝાદ પણ થયું નહતુ. તેે સાલ ઈ.સ. 1943-44ની હતી. આ અગાઉ રણજી ટ્રોફી જેમના નામથી રમાય છે, તેવા ભારતીય ક્રિકેટના ભિષ્મપિતામહ એવા જામ રણજીતસિંહજીના રજવાડા નવાનગર (આજનું જામનગર)ની ટીમે ઈ.સ. 1936-37માં આ ટાઈટલ જીત્યું હતુ. નોંધપાત્ર બાબત એ છેે કે, રણજી ટ્રોફીનો પ્રારંભ ઈ.સ. 1934માં થયો હતો. ભારતીય ક્રિકેટમાં સૌરાષ્ટ્રનું પ્રદાન અને તેનો ઈતિહાસ અત્યંત ગૌરવપ્રદ રહેલો છે અને યુવા પેઢીએ સાડા સાત દાયકા બાદ ફરી વખત રણજીતસિંહજીની ભૂમિને રાષ્ટ્રીય સ્તરેે ગૌરવ અપાવ્યું છે. સૌરાષ્ટ્રની આ સિદ્ધિમાં ટીમના દરેકેદરેેક ખેલાડીએ નિર્ણાયક તબક્કે પોતપોતાની ભૂમિકા ભજવતા ટીમને સફળતા અપાવી છે. જોકે આ બધામાં કેેટલીક વિશિષ્ટ પ્રતિભા અને તેમના પ્રદર્શને તો ઈતિહાસમાં અમર સ્થાન હાંસલ...

ફાધર આલ્ફોન્સો ડિસોઝાએ ચાર દાયકા પહેલા અમદાવાદમાં બાસ્કેટબોલ ટુર્નામેન્ટ શરુ કરી હતી

चित्र
શાળા-કોલેજ જીવનના વહી ગયેલા સંસ્મરણોને વાગોળવા અને વ્યક્તિત્વની જે ઈમારત પણ આજે ઉભા છીએ તેના ઘડતરમાં સંસ્કારોનું સિંચન કરનાર ગુરુજનો પ્રત્યે આદર વ્યક્ત કરવા માટે મોટાભાગે દરેક શૈક્ષણિક સંસ્થામાં એલ્યુમનાઈના કાર્યક્રમો થતાં જ રહે છે. સામાન્ય રીતે હોટલો કે વૈભવી રિસોર્ટમાં કે શાળાના પટાંગણોમાં આવા કાર્યક્રમો યોજાતા હોય છે. અમદાવાદમાં સ્પોર્ટસ કલ્ચરને વિકસાવવામાં સેંટ. ઝેવિયર્સનો ફાળો વિશેષ રહ્યો છે અને આ જ પરંપરાને જાળવી રાખતાં આજથી ચારેક દાયકા પહેલા વિદ્યાર્થીજીવનમાં જેમની પાસેથી રમતગમતના અને જિવનના પાઠ શીખ્યા હતા, તેવા વિદ્યાર્થીઓ-શિષ્યોએ સેંટ. ઝેવિયર્સ મિરજાપુર ખાતે આવતીકાલે રેવ. ફાધર આલ્ફોન્સો ડિ સોઝા ઈન્વિટેશનલ બાસ્કટેબોલ ટુર્નામેન્ટનું આયોજન કર્યું છે. સૌથી મહત્વની બાબત એ છે કે, અમદાવાદમાં ચાર દાયકા પહેલા સ્પોર્ટસનો અને ખાસ કરીને બાસ્કેટબોલની રમતમાં પાયાની કામગીરી કરનારા 76 વર્ષીય રેવ. ફાધર આલ્ફોન્સો ડિસોઝા ખુદ તેમના નામ સાથે જોડાયેલી ટુર્નામેન્ટમાં હાજરી આપવાના છે. અમદાવાદમાં રમતવીરોની પેઢીઓને તૈયાર કરનારા ફાધર આલ્ફોન્સો ખુદ પણ હાજરી આપશે 1980ના દશકમાં અમદાવાદમાં પહેલ વ...

35 વર્ષની ઉંમર, ત્રણ બાળકોની માતા અને બોક્સિંગમાં વર્લ્ડ ચેમ્પિયન : મેરી કોમ તેરા જવાબ નહી...

चित्र
ભારતની એકમાત્ર ઓલિમ્પિક મેડાલીસ્ટ મહિલા બોક્સર છ વખત વર્લ્ડ ચેમ્પિયન બની ચૂકી છે ઃ  સ્ત્રીશક્તિકરણને બદલે સ્ત્રીમેરીકરણ પણ કહી શકાય : મણીપુરમાં અત્યંત ગરીબ પવારમાં જન્મેલી મેરીએ એથ્લેટિક્સ છોડીને બોક્સિંગની રાહ પકડી ને જાણે ચમત્કાર થયો મહેનત એ મનુષ્યને મળેલું એવું શસ્ત્ર છે, જેના થકી અત્યંત દુર્ગમ અને ક્યારેક તો અસાધારણ કહી શકાય તેવી સફળતા પ્રાપ્ત કરી શકાય છે. રમતની જેમ જિંદગીના દરેક ક્ષેત્રમાં સુવર્ણચંદ્રકને હાંસલ કરવો આસાન નથી. દરેકની સામે પોતપોતાના સ્તરના અનેક પ્રશ્નો – સમસ્યાઓની હાજરી સાહજિક હોય છે, પણ ચેમ્પિયન એ બની શકે છે કે, જે મહેનતના શસ્ત્રથી તેના તમામ હરિફોથી આગળ નીકળી જાય. દુનિયામાં કોઈને કે બધાને પાછળ પાડવા કરતા પોતે (અન્યની ચિંતા છોડી)ને આગળ વધી જવું કેટલું આનંદદાયક હોય છે તેનો અહેસાસ સૌપ્રથમ તો સસલા સાથેની રેસમાં અણધારી સફળતા મેળવનારા પેલા કાચબા સિવાય તો કોઈને થયો હોય ! બાળવાર્તા તરીકેની ઓળખ ધરાવતી કાચબા-સસલાની વાતનો સાર એટલો જ છે કે, જો સસલાની જેમ તમે હરિફો પર નજર દોડાવ્યા કરશો તો ક્યારેય કાચબાની જેમ વિજય રેખાને જોઈ નહિ શકો અને જેના પર મીટ માંડી જ નથી, ત...

ફ્રાન્સને વર્લ્ડ ચેમ્પિયન બનાવનારા 19 વર્ષના ફૂટબોલર કિલિયન એમ્બાપ્પેેની જિંદગીની રોચક સફર

चित्र
એમ્બાપ્પેની તુલના બ્રાઝિલના લેેજન્ડરી ફૂટબોલર પેેલેેની સાથે થવા માંડી છે  આકાશ હકીકતમાં તો દરેકની આંખોમાં સમાયેલું હોય છે અને પોતપોતાના આકાશને પામવા માટેની દોડ ચારેબાજુ જોવા મળે છે. માત્ર મીટ માંડવા માત્રથી કંઈ હાંસલ થતું નથી. ફેફસાને ધમણની જેમ ધમધમાવવા પડે, નસોમાં વહેતા રક્તના વેગને સાગરની ભરતી જેવા ઘુઘવાટમાં ફેરવવો પડે અને આખા શરીર પર પરસેવારુપી ઝાકળનો અભિષેક સતત થતો રહે તેવો પરિશ્રમ કરવો પડે. સફળતા ક્યારે એકાદ-બે પ્રયાસમાં હાંસલ થતી નથી. સતત પ્રયત્ન જારી રાખવાની સાથે પોતાના લક્ષ્યને હાંસલ કરવાના ઝનૂન પર રોજિંદી ઘટમાળના કંટાળાનો જરા સરીખો કાટ ન ચડે તેનું ધ્યાન રાખનારા જ અનંત આકાશમાં એવી ઉંચાઈને હાંસલ કરી શકે છે કે જે બીજા બધાની આંખોમાં અહોભાવ બનીને ઉભરી આવે છે. સખત મહેનત અને પરિશ્રમને સહારે કારકિર્દીમાં અલગ ઉચાંઈએ પહોંચેલી વિરલ પ્રતિભાઓને સન્માનની સાથે સાથે નામ અને દામ મળે તે સમજી શકાય તેમ છે, પણ છેલ્લા અડધા દશકમાં રમત જગતમાં નવા સુપરસ્ટાર્સને ખોળી કાઢવાની એક અલગ પ્રકારની અધિરાઈ જોવા મળી રહી છે. તેમાંય ફૂટબોલ જેવી વિશ્વની સૌથી લોકપ્રિય રમતમાં ચાહકોની નજર હાલ ક્રિસ્...