Fifa World cup -2014 હાઇવોલ્ટેજ જંગમાં ઇટાલીએ ૨-૧થી ઈંગ્લેન્ડને હરાવ્યું - કોસ્ટા રિકા બિગેસ્ટ સરપ્રાઇઝ

ફૂટબોલ વર્લ્ડ કપ -૨૦૧૪

મેચ નંબર ઃ ૫
તા. ૧૪.૦૬.૧૪ (શનિવાર)
સમય ઃ રાત્રે ૯.૩૦થી
ગ્રુપ - સી

કોલંબિયાએ ૩-૦થી ગ્રીસને હરાવ્યું

કોલંબિયાએ વર્લ્ડ કપનો ધમાકેદાર પ્રારંભ કરતાં ભૂતપૂર્વ યુરોપીયન ચેમ્પિયન ગ્રીસ સામે ૩-૦થી ભવ્ય વિજય મેળવ્યો હતો. આ મુકાબલામાં શરુઆતમાં ગ્રીસને જીતવા માટે ફેવરિટ માનતા વિવેચકો અને ચાહકોને મેચની પાંચમી મિનિટે જ પાબ્લો એમરોઝે ગ્રીસને આંચકો આપ્યો હતો. આ પછી કોલંબિયન ખેલાડીઓએ આગવા અંદાજમાં ડાન્સ કર્યો હતો. 

આ લો પ્રોફાઇલ મેચમાં ગ્રીસના ખેલાડીઓને કોલંબિયાના ખેલાડીઓએ હંફાવ્યા હતા. કોલંબિયાએ જોરદાર આક્રમણ કરતાં ગ્રીસના ડિફેન્ડરો અને ગોલકિપરને પરેશાન કરી દીધા હતા. ગ્રીસ તરફથી કારાગોનિસે એક પાવરફૂલ કીક કોલંબિયાના ગોલ પર ફટકાર્યો હતો પણ તે બહારની તરફ જતો રહ્યો હતો. 

પ્રથમ હાફમાં ૧-૦થી સરસાઇ ધરાવતા કોલંબિયાએ બીજા હાફમાં વધુ આક્રમક રમત દેખાડી હતી. રેડમેલ ફાલ્કોની ગેરહાજરીમાં ટેઓફિલો ગુટીરેઝે ક્લાસિક ગોલ ફટકાર્યો હતો. ગુટીરેઝે મેચની ૫૮મી મિનિટે ગ્રીસને વધુ એક ફટકો પહોંચાડ્યો હતો અને ટીમને ૨-૦થી સરસાઇ અપાવી દીધી હતી. 

આખરી પળોમાં ગ્રીસ પણ ગોલ ફટકારવા માટે મરણિયું બન્યું હતુ પણ ભાગ્યનો સાથ તેમને મળ્યો નહતો અને ગોલની બરોબર સામેથી ગ્રીસના થેઓફાનિસ ગેકાસે પાવરફૂલ હેડર ફટકાર્યું હતુ, જે ગોલ પોસ્ટની ઉપરના પોલને ટકરાઇને બોલ પાછો મેદાનમાં આવી ગયો હતો. આખરે રોડ્રીગ્યુઝે ૯૦મી મિનિટે ત્રીજો ગોલ ફટકારતાં ટીમને ૩-૦થી જીત અપાવી હતી. 

------------------------------------------------------------------------------------------------------------
ફૂટબોલ વર્લ્ડ કપ -૨૦૧૪

મેચ નંબર ઃ ૭
તા. ૧૫.૦૬.૧૪ (રવિવાર)
સમય ઃ પરોઢે ૩.૩૦ વાગ્યાથી


ઈંગ્લેન્ડનો ઇટાલી સામે ૨-૧થી પરાજય

બ્રાઝિલના માનાઅસ શહેરના એરિના એમેઝોનિયામાં રમાયેલી આ યુરોપીની બે હાઇપ્રોફાઇલ ટીમો વચ્ચેનો જંગ ભારે રસાકસી અને રોમાંચથી ભરપૂર રહ્યો હતો. બ્રાઝિલના ભેજવાળા વાતાવરણમાં રમાયેલી મેચમાં બંને ખેલાડીઓ ગરમી અને સતત નિકળતા પરસેવાથી પરેશાન રહ્યા હતા, છતાં ચાહકો દિલધડક મેચના રોમાંચમાં બધુ ભુલી ગયા હતા. 

પ્રથમ હાફમાં ઈંગ્લેન્ડ અને ઈટાલીના ખેલાડીઓએ આમને સામને આક્રમણ કરતાં ગોલ નોંધાવવાનો પ્રયાસ કર્યો હતો પણ તેઓ તેમાં સફળ રહ્યા હતા. એક તબક્કે લાગતું હતુ કે, બંને ટીમોને હજુ સંઘર્ષ કરવો પ઼ડશે, ત્યારે મેચની ૩૫મી મિનિટે જ માર્ચિસીયોએ ઈંગ્લેન્ડના ચાહકોને આંચકો આપતાં ગોલ ફટકાર્યો હતો.

ઇટાલીના ચાહકો અને ફૂટબોલરો જોશમાં આવી ગયા હતા. જ્યારે ઈંગ્લેન્ડના ખેલાડીઓ હવે બરોબરી મેળવવાના પ્રયાસમાં લાગી ગયા હતા. ઇટાલીની સરસાઇની બે મિનિટ બાદ જ ઈંગ્લેન્ડે બરોબરી મેળવી લીધી હતી. ઈંગ્લેન્ડના કાઉન્ટર એટેકને સ્ટુરીગેએ સફળ બનાવતા ગોલ ફટકાર્યો હતો. 

ગોલ ફટકારીને સરસાઇ મેળવવા બંને ટીમોના જોરદાર પ્રયાસો છતાં કોઇને તેમાં સફળતા મળી નહતી. આખરે મેચની ૫૦મી મિનિટે દુરથી આવેલા ક્રોસ પાસને ઇટાલીના સુપર મારિયા બાલોટેલીઓ ખુબ જ ચપળતાથી એક તરફથી હેડર વડે બોલને ગોલમાં મોકલી આપ્યો હતો. આ સાથે ઇટાલીએ ૨-૧થી સરસાઇ મેળવી હતી.

ઈંગ્લેન્ડના સ્ટાર ફોરવર્ડ વેન રુનીને પણ આખરી પળોમાં બરોબરીની તક મળી હતી પણ તે તેનો ફાયદો ઉઠાવી શક્યો નહતો અને ઈટાલી જીતી ગયું હતુ. હવે ઈંગ્લેન્ડની રાઉન્ડ ઓફ ૧૬માં પ્રવેશવાની આશા ધુંધળી બની છે કારણ કે હવે બાકીની બે મેચમાં તેમણે ઉરૃગવે અને કોસ્ટા રિકાનો સામનો કરવાનો છે. કોસ્ટારિકાએ ઉરુગ્વેને હરાવીને મેજર અપસેટ સર્જ્યો હતો. 

------------------------------------------------------------------------------------------------------------
ફૂટબોલ વર્લ્ડ કપ -૨૦૧૪

મેચ નંબર ઃ ૬
તા. ૧૪.૦૫.૧૪ (શનિવાર)
સમય ઃ રાત્રે ૧૨.૩૦થી

કોસ્ટા રિકાનો અપસેટ ઃ ઉરૃગ્વેનો પરાજય

હાઇપ્રોફાઇલ ઉરુગ્વેની ટીમને ૩-૧થી હરાવીને કોસ્ટા રિકાએ મેજર અપસેટ સર્જ્યો હતો. ફોર્લાન, સુરેઝ,, લુગાનો, ગોબિન જેવા સ્ટાર્સ ધરાવતા ઉરુૃગ્વેને હરાવીને કોસ્ટા રિકાએ રાઉન્ડ ઓફ ૧૬માં પ્રવેશવાની આશાને વધુ મજબુત બનાવી દીધી હતી.

જોશીલા કોસ્ટા રિકા સામે ઉરૃગ્વેના ખેલાડીઓ ધીમા પડતા જોઇ શકાતા હતા. તેમાં ય ઉરુગ્વેના કોચે સુરેઝને આખી મેચમાં આરામ આપ્યો હતો. પ્રથમ હાફમાં ૨૪મી મિનિટે મળેલી પેનલ્ટીને કાવાનીએ ગોલમો મોકલી આપતાં ઉરુગ્વેએ ૧-૦થી સરસાઇ મેળવી હતી, જે હાફ ટાઇમ સુધી ટકી હતી. 


જો કે બીજા હાફમાં જોરદાર વ્યુહરચના સાથે પાછા ફરી કોસ્ટા રિકાએ એક પછી એક એમ ત્રણ ગોલ ફટકારીને વિશ્વને ચોંકાવી દીધું હતુ. ઉરુગ્વેના ડિફેન્ડના લીરે લીરા ઉડાડતા કોસ્ટા રિકા તરફથી ૫૪મી મિનિટે કેમ્પબેલે, ૫૭મી મિનિટે ડ્યુએર્ટાએ અને આખરે ૮૪મી મિનિટે ઉરેનાએ ગોલ ફટકાર્યા હતા.

ફૂટબોલ વર્લ્ડ કપમાં કોસ્ટા રિકાનો આ ઉરુગ્વે સામેનો પહેલો વિજય હતો. જ્યારે ઉરુગ્વેના પરેરાને જોખમી રમત બદલ રેડકાર્ડ દેખાડવામાં આવ્યું હતુ, જે આ વર્લ્ડ કપનું સૌપ્રથમ રેડ કાર્ડ હતુ.





टिप्पणियाँ

एक टिप्पणी भेजें

इस ब्लॉग से लोकप्रिय पोस्ट

શેફાલી વર્મા : લેડી સેહવાગ

चित्र
ક્રિકેટ શીખવા માટે શેફાલીને વાળ કપાવીને છોકરાઓ જેવો લૂક બનાવવો પડ્યો પ્રત્યેક શરુઆત સંઘર્ષની સાથે જોડાયેલી હોય છે અને તેમાં જ્યારે સાતત્ય ઊમેરાય છે, ત્યારે એક ચેમ્પિયન પેદા થાય છે. જેમ પાણીનો વેગ તેના માર્ગમાં આવતી અડચણોથી રોકાતો નથી, પણ તે પોતાની રીતે રસ્તો કરી જ લે છે. તે પ્રકારે પોતાના લક્ષ્યની પ્રાપ્તિની પ્રબળ ઈચ્છા અને દ્રઢ સંકલ્પ હોય તો હિમાલય જેવડી ઉંચાઈ પણ સાવ સામાન્ય લાગે. હકીકતમાં જિંદગીમાં આવતા વિઘ્નો એ હિંમતની કસોટી માટેના હોય છે. જેઓ તેની સામે ઘુંટણ ટેકવી દે છે, તેઓ ક્યારેય પોતાની ક્ષમતા પ્રમાણેની સફળતાને પ્રાપ્ત કરી શકતાં નથી. જ્યારે જાંબાંઝીથી આગળ વધનારને કલ્પનાતીત સફળતાની પ્રાપ્તિ થાય છે. છેલ્લા કેટલાક વર્ષોમાં ભારતીય મહિલા ક્રિકેટમાં એક થી એક ચડિયાતી પ્રતિભાઓ આવી રહી છે, જે ભારતીય ક્રિકેટના વર્તમાનને વધુને વધુ સમૃદ્ધ બનાવી રહી છે. જેમીમા રોડ્રિગ્યુઝ બાદ હરિયાણાની 16 વર્ષીય ખેલાડી શેફાલી વર્માએ ટૂંકા ગાળામાં તેની આક્રમક શૈલીથી ભારે આકર્ષણ જગાવ્યું છે. વિશ્વની ધુરંધર ખેલાડીઓની શેહમાં આવ્યા વિના ભારે આત્મવિશ્વાસ સાથે સ્ટ્રોક્સ ફટકારવાની કુશળતાએ શેફાલીને દુનિયા...
और पढ़ें

ચૂંટણી : છુટ્ટા હાથેે સવાલોની મારામારી

चित्र
જવાબ આવડતો નથી તો સવાલ પૂછો.... વર્ષો પહેલાની વાત છે, પરીક્ષા ચાલી રહી હતી. બધા છોકરાઓ શાંતિથી પેપર લખી રહ્યા હતા. પણ છેલ્લી બેન્ચ પર બેઠેલા કનુને આખુ પ્રશ્નપત્ર સમજાતું નહતુ. તેણે આજુબાજુ જોયું તો બધા જોરશોરથી ઉત્તરવહીઓ ભરવામાં મશગૂલ બની ગયા હતા. ક નુને થયું કે, હવે શું કરું....મને જવાબ તો આવડતા નથી. અચાનક તેના મનમાં એક વિચાર ઝબક્યો અને પછી તો પેપર પુરુ થાય ત્યાં સુધી તો કનુએ પાંચ ઉત્તરવહીઓ ભરી કાઢી હતી. પેપર પુરુ થયુંને બધા બહાર નીકળ્યા ત્યારે કનુની બાજુમાં બેેઠેલા મનુએ કહ્યું , અલ્યા શરુઆતના અડધા કલાકમાં તો તુ સાવ નવરો ધાકોર બેસી રહ્યો હતો અને અચાનક શુ થયું કે, લખવા માંડ્યો અને પાંચ ઉત્તરવહીઓ ભરી કાઢી. કનુએ હસતા હસતા કહ્યું કે, ઉત્તરવહીને મેં પ્રશ્નવહી બનાવી દીધી. મનુને કઇ ના સમજાયું. કનુએ ફરી કહ્યું કે, અલ્યા ભઇ એટલે એમ કે પ્રશ્નપત્રના જવાબોને મેં એમના એમ પાંચ-સાત વખત મેં ઉત્તરવહીમાં ઉતારી લીધા એટલે ઉત્તરવહી બની ગઇ પ્રશ્નવહી ...,- સમજ્યો ! બસ હાલમાં ચાલી રહેલા લોકસભાના ચૂંટણી પ્રચારમાં બધા પક્ષો એકબીજાની સાથે સવાલોની છુટ્ટા હાથની મારામારી કરી રહ્યા છે. જેને જ્યાં મન ફાવે ત...
और पढ़ें

રણજી ટ્રોફીનું દબદબાભેર વતનમાં પુનરાગમન

चित्र
જયદેવ ઉનડકટની આગેવાની હેઠળની સૌરાષ્ટ્રની ટીમે ડ્રો થયેેલી ફાઈનલમાં બંગાળને પ્રથમ ઈનિંગની સરસાઈને સહારે હરાવીને સૌપ્રથમ વખત ભારતની પ્રીમિયર ફર્સ્ટ ક્લાસ ક્રિકેટ ટુર્નામેન્ટ જીતી લઈને ઈતિહાસ રચી દીધો હતો. સૌરાષ્ટ્ર નામ હેઠળ આ તેમનું પ્રથમ ટાઈટલ હતુ. જ્યારે અગાઉ સૌરાષ્ટ્ર વિસ્તારની ટીમ - વેર્સ્ટન ઈન્ડિયાએ રણજી ટ્રોફી જીતી ત્યારે તો ભારત આઝાદ પણ થયું નહતુ. તેે સાલ ઈ.સ. 1943-44ની હતી. આ અગાઉ રણજી ટ્રોફી જેમના નામથી રમાય છે, તેવા ભારતીય ક્રિકેટના ભિષ્મપિતામહ એવા જામ રણજીતસિંહજીના રજવાડા નવાનગર (આજનું જામનગર)ની ટીમે ઈ.સ. 1936-37માં આ ટાઈટલ જીત્યું હતુ. નોંધપાત્ર બાબત એ છેે કે, રણજી ટ્રોફીનો પ્રારંભ ઈ.સ. 1934માં થયો હતો. ભારતીય ક્રિકેટમાં સૌરાષ્ટ્રનું પ્રદાન અને તેનો ઈતિહાસ અત્યંત ગૌરવપ્રદ રહેલો છે અને યુવા પેઢીએ સાડા સાત દાયકા બાદ ફરી વખત રણજીતસિંહજીની ભૂમિને રાષ્ટ્રીય સ્તરેે ગૌરવ અપાવ્યું છે. સૌરાષ્ટ્રની આ સિદ્ધિમાં ટીમના દરેકેદરેેક ખેલાડીએ નિર્ણાયક તબક્કે પોતપોતાની ભૂમિકા ભજવતા ટીમને સફળતા અપાવી છે. જોકે આ બધામાં કેેટલીક વિશિષ્ટ પ્રતિભા અને તેમના પ્રદર્શને તો ઈતિહાસમાં અમર સ્થાન હાંસલ...
और पढ़ें